更新1: 更正 : 演唱会
更新2: 如果是四面台
会以那面为主呢?
我自己的经验： 演唱会： 主要看是什么场地．一次去九龙湾HITEC，全企位，Band是Gothic Rock，全部人热情高涨，我在人群中间只闻到臭汗味及呼叫声，听得不太清楚．我想企前一点，空气会清新一点，听得会清楚一点，但是全企位很迫，如果是女仔的话俾人索油亦只能哑忍． 一次去会展听关淑怡．那是一个垃圾场，因为场馆斜度不够，我划到的位是中后段，全坐位，前面位大叔又高，我坐着基本上看不到关淑怡；很多人按捺不住企左起身．企左起身后面位更加唔驶睇，唯有企上张折椅上．．．于是中后段企位全部人都企晒上张折椅上．．．真系情愿佢唔划位全企位算．．． 去红馆，系人都知第十行倒最好，岩岩睇晒个台又够近，但系其实好嘈． 总结以上经验，听演唱会都系前排比较稳阵． 电影： 现在d戏院多是迷你戏院，所以我既定律系：首要越后越好，因为而家有d迷你戏院真系估佢唔到咁迷你，最后其实都唔系好远．次要就要尽量中间位，因为打侧位中距位置已经会睇得好辛苦下．如果只剩前排我系唔会入场． 电影一定要睇全屏，否则情愿睇DVD算数． 舞台剧： 睇你想睇咩同埋套剧既类型．如果套剧比较多个人表演机会，你又想睇演员演技／舞姿，甚至乎你只想睇焦媛d肉，咁紧系越前越好，因为你除左可以睇得比较清楚外，最重要系听都会听得比较清楚． 如果你想睇华丽布景，又或套剧比较多群戏同大型歌舞表演，咁中距会比较好，因为声音同睇到个别演员演出已经系次要考虑因素，反而睇到成个舞台先系最重要． 希望以上意见帮到你． 2007-02-24 10:19:30 补充： 其实四面台并不是演唱会的最佳演出地方．Tokyo Dome由于是一个职棒球场，所以当初设计时为了观众的视觉享受而设计成三面台，但亦造就了它成为一个绝佳的演唱会场所．其实四面台设计主要应用在体育场馆，因为大部份体育运动从那一个角度看分别都不大，而红馆当初也是按体育运动的需求而设计的．如果当初知道红馆主要系用来开演唱会，便应该设计成三面台．四面台如果系睇草蜢之类就无乜所谓，因为佢地一定尽量排到你至少见到其中一个；但系睇个人演唱会就真系好睇你彩数，因为歌手好难真正兼顾晒四面．其实主办单位如果有良心应该封一面台，但系良心唔值钱；所以我其实好憎四面台既红馆． 2007-02-24 10:27:03 补充： 附带一提：职棒球场通常系三面台因为其中一面系球来方向要装防护网，会影响视野．
距离舞台8行最理想
11-12